سیکیورٹی فورسز نے خضدار میں کارروائی کرتے ہوئے 5 دہشتگردوں کو ہلاک کردیا

سیکیورٹی فورسز نے 14 اور 15 ستمبر کی درمیانی شب خضدار میں خفیہ اطلاع پر کارروائی کرتے ہوئے 5 دہشتگردوں کو ہلاک کردیا۔ آئی ایس پی آر کے مطابق یہ دہشتگرد کالعدم بلوچ گروپس سے تعلق رکھتے تھے اور انہیں ’’فتنہ الہند‘‘ کے نام سے بھی پکارا جاتا ہے۔

کارروائی کے دوران فائرنگ کے تبادلے میں 5 دہشتگرد مارے گئے جبکہ بڑی مقدار میں اسلحہ اور بارود برآمد ہوا جو علاقے میں مستقبل کے حملوں کے لیے استعمال ہونا تھا۔

آئی ایس پی آر کے مطابق ہلاک دہشتگرد مختلف حملوں میں ملوث رہے ہیں۔ کارروائی کے بعد علاقے کو کلیئر کرنے کے لیے آپریشن شروع کیا گیا تاکہ مزید چھپے ہوئے دہشتگردوں کو گرفتار یا ہلاک کیا جا سکے۔