بنگلہ دیشی عوام نے پاکستان کو بھارت پر ترجیح دے دی، گیلپ سروے کے حیران کن نتائج

گیلپ پاکستان کے حالیہ سروے نے ایک دلچسپ اور حیران کن رجحان ظاہر کیا ہے جس کے مطابق بنگلہ دیشی عوام کی بڑی تعداد پاکستان کو بھارت پر ترجیح دیتی ہے۔ سروے کے مطابق 46 فیصد بنگلہ دیشی شہری پاکستان کو قریبی دوست قرار دیتے ہیں، جبکہ صرف 11 فیصد نے بھارت کو دوست تسلیم کیا۔

مزید برآں، 47 فیصد افراد نے بھارت کو دشمن تصور کیا، جو دونوں ممالک کے تعلقات میں تناؤ کی عکاسی کرتا ہے۔ حالیہ پاک-بھارت کشیدگی کے دوران 54 فیصد بنگلہ دیشیوں نے پاکستان کی حمایت کی، جبکہ صرف 9 فیصد نے بھارت کا ساتھ دیا۔

سروے سے یہ بھی ظاہر ہوا کہ 46 فیصد افراد نے پاکستان کو اس کشیدگی کا فاتح قرار دیا، جبکہ صرف 6 فیصد نے بھارت کو برتری دی۔ یہ نتائج اس بات کا ثبوت ہیں کہ پاکستان اور بنگلہ دیش کے تعلقات میں بہتری آ رہی ہے اور دونوں مسلم ممالک کے درمیان قربت بڑھ رہی ہے۔