فن و ثقافت
غنیٰ علی نے کم عمری کی شادی کو تحفظ کی علامت قرار دے دیا
پاکستانی شوبز انڈسٹری کی معروف اداکارہ غنیٰ علی نے حالیہ پوڈکاسٹ میں شرکت کے دوران اپنی شادی اور ذاتی خیالات کا اظہار کرتے ہوئے کہا کہ “شادی شوبز انڈسٹری سے تعلق رکھنے والی خواتین کے لیے ایک تحفظ ہے۔” ان کا کہنا تھا کہ شادی کے بعد عورت کو زیادہ عزت دی جاتی ہے، اور یہ سچ ان کے اپنے تجربے سے ثابت ہوا ہے۔
غنیٰ علی نے بتایا کہ 26 سال کی عمر میں انہوں نے تنہائی محسوس کرنا شروع کی اور دل سے ایک اچھے ہمسفر کی دعا کی۔ “اللہ تعالیٰ نے میری سن لی اور مجھے ایک ایسا شوہر عطا کیا جو نہ صرف میرا خیال رکھتا ہے بلکہ مجھے ہر لمحہ محفوظ بھی محسوس کراتا ہے۔”
اداکارہ کے مطابق، ان کے شوہر انہیں سادگی اور حدود کی پاسداری کی تلقین کرتے ہیں۔ “اگر عورت اپنی حدود میں رہے تو معاشرہ اس کی عزت کرتا ہے۔” انہوں نے کہا کہ خواتین کو خود اپنی عزت بنانی پڑتی ہے اور ہر فنکشن یا محفل میں جانا ضروری نہیں ہوتا۔
انہوں نے زور دیا کہ وقار اور اخلاقیات ہر عورت کی اصل پہچان ہیں اور یہی عناصر ایک محفوظ اور عزت دار زندگی کی بنیاد بنتے ہیں۔