تجارت
پاکستان اسٹاک مارکیٹ نے نئی تاریخ رقم کر دی
پاکستان اسٹاک ایکسچینج میں جمعرات کو زبردست تیزی دیکھنے میں آئی، جب کے ایس ای-100 انڈیکس میں 1,753 پوائنٹس کا اضافہ ہوا اور انڈیکس 138,133 کی تاریخی بلند ترین سطح پر بند ہوا۔ یہ پہلا موقع ہے کہ مارکیٹ نے 138,000 پوائنٹس کی حد عبور کی ہے۔
مارکیٹ میں سرمایہ کاروں کی دلچسپی توانائی، تیل، کھاد اور فارماسیوٹیکل سیکٹرز میں نمایاں خریداری کی وجہ سے بڑھی۔
ٹریڈنگ کے دوران انڈیکس نے کئی سنگ میل عبور کیے
تجزیہ کاروں کے مطابق یہ تیزی آئندہ مالیاتی پالیسی میں ممکنہ شرح سود میں کمی کی توقعات کی بنا پر دیکھی گئی۔ تاہم، ڈالر کے 20 ماہ کی بلند ترین سطح تک پہنچنے پر کچھ محتاط آراء بھی موجود ہیں۔
تین روزہ محدود کاروباری دائرے کے بعد، آج کی تاریخی کارکردگی نے سرمایہ کاروں میں نیا جوش پیدا کر دیا ہے اور ملکی اسٹاک مارکیٹ کے لیے ایک یادگار دن بن گیا۔