سیاست
فلسطینی اتھارٹی کا اسرائیل پر مسجد اقصیٰ کے نیچے غیرقانونی کھدائی کا الزام
فلسطینی اتھارٹی نے الزام عائد کیا ہے کہ اسرائیل مسجد اقصیٰ کے صحن کے نیچے غیرقانونی کھدائی میں مصروف ہے جس کے نتیجے میں اسلامی آثار قدیمہ کو شدید نقصان پہنچ رہا ہے۔
بیان میں کہا گیا کہ یہ آثار مسلمانوں کے مسجد اقصیٰ پر تاریخی اور جائز حق کے ناقابلِ تردید ثبوت ہیں جنہیں اسرائیل جان بوجھ کر تباہ کر رہا ہے۔
سوشل میڈیا پر سامنے آنے والی ایک ویڈیو میں دیکھا گیا ہے کہ افراد کھدائی کے بعد مسجد اقصیٰ کے احاطے میں بڑے پتھروں کو توڑ رہے ہیں۔ فلسطینی اتھارٹی نے اسرائیل کے ان اقدامات کو بین الاقوامی قوانین اور معاہدوں کی کھلی خلاف ورزی قرار دیا ہے اور دعویٰ کیا ہے کہ اس کا مقصد اسلامی شناخت مٹاکر مستقبل میں مسجد اقصیٰ کی جگہ یہودی عبادت گاہ قائم کرنا ہے۔