سیاست
باجوڑ, ماموند میں فائرنگ سے پولیس اہلکار شہید
ضلع باجوڑ کی تحصیل ماموند میں نامعلوم افراد کی فائرنگ سے پولیس اہلکار شہید ہو گیا۔ پولیس ذرائع کے مطابق واقعہ تھانہ عمرے کے سامنے پیش آیا جہاں اہلکار باچا، جو غاخی لوئی ماموند کا رہائشی تھا، اپنی ڈیوٹی پر تعینات تھا۔
فائرنگ کے فوری بعد زخمی اہلکار کو قریبی اسپتال منتقل کیا گیا، مگر وہ زخموں کی تاب نہ لاتے ہوئے شہید ہو گیا۔ حملہ آور فائرنگ کے بعد موقع سے فرار ہو گئے۔ پولیس نے علاقے کو گھیرے میں لے کر سرچ آپریشن شروع کر دیا ہے جبکہ واقعے کی تفتیش بھی جاری ہے۔
یہ واقعہ باجوڑ میں سیکیورٹی کی صورتحال پر ایک اور سوالیہ نشان چھوڑ گیا ہے۔