سیاست
پاکپتن میں موسیٰ مانیکا کی مبینہ فائرنگ سے ملازم زخمی، پولیس نے حراست میں لے لیا
نواحی گاؤں پیر غنی میں سابق خاتون اول بشریٰ بی بی کے بیٹے موسیٰ مانیکا کی مبینہ فائرنگ کا واقعہ پیش آیا، جس میں 17 سالہ ملازم علی بہادر زخمی ہو گیا۔
پولیس کے مطابق موسیٰ مانیکا نے کسی بات پر تکرار کے دوران طیش میں آ کر فائرنگ کر دی۔ واقعہ خاور مانیکا کے ڈیرے پر پیش آیا، جہاں سے پولیس نے بروقت کارروائی کرتے ہوئے ملزم کو گرفتار کر لیا۔
زخمی نوجوان کو فوری طور پر ڈسٹرکٹ اسپتال منتقل کیا گیا، جہاں اس کی حالت خطرے سے باہر بتائی گئی ہے۔ پولیس حکام کا کہنا ہے کہ فائرنگ کے واقعے کی تفتیش جاری ہے اور موسیٰ مانیکا سے پوچھ گچھ کی جا رہی ہے۔
واقعہ نے سیاسی و سماجی حلقوں میں شدید ردعمل پیدا کیا ہے، اور عوامی سطح پر شفاف تحقیقات کا مطالبہ کیا جا رہا ہے۔