فن و ثقافت
سوہا علی خان کا انکشاف: کرائے کے فلیٹ سے بالی ووڈ تک کا سفر
بالی ووڈ اداکارہ سوہا علی خان نے اپنی زندگی کے ایک پوشیدہ پہلو کا انکشاف کیا ہے۔ پٹودی خاندان کی شہزادی اور شرملا ٹیگور و منصور علی خان پٹودی کی بیٹی ہونے کے باوجود سوہا نے ممبئی میں کرائے کے فلیٹ میں رہتے ہوئے خودمختار زندگی کا آغاز کیا۔
لندن اسکول آف اکنامکس سے ماسٹرز مکمل کرنے کے بعد سوہا نے ایک بین الاقوامی بینک میں نوکری کی جہاں ان کی سالانہ تنخواہ 2 لاکھ 20 ہزار روپے تھی، جس میں سے 17 ہزار صرف کرائے پر خرچ ہوتے تھے۔ سوہا کا کہنا تھا کہ وہ اپنی مالی آزادی چاہتی تھیں تاکہ زندگی کے فیصلے خود کر سکیں۔
ان کی زندگی کا موڑ اس وقت آیا جب ایک ماڈلنگ اسائنمنٹ سے انہیں 5 لاکھ روپے ملے، جس نے انہیں فلموں کی دنیا میں قدم رکھنے کا حوصلہ دیا۔ بعدازاں انہوں نے شاہد کپور کے ساتھ فلم دل مانگے مور سے بالی ووڈ ڈیبیو کیا، جس میں انہیں 10 لاکھ روپے معاوضہ ملا۔
آج بھی سوہا علی خان فلمی صنعت میں سرگرم ہیں اور ان کی کہانی اس بات کی مثال ہے کہ اصل کامیابی شاہی پس منظر نہیں بلکہ خود انحصاری اور محنت سے حاصل ہوتی ہے۔