فن و ثقافت
ماہرہ خان کی مرون ساڑھی میں شاندار تصاویر نے مداحوں کے دل جیت لیے
پاکستانی سپر اسٹار ماہرہ خان نے مارون ساڑھی میں اپنی دلکش تصاویر اور ویڈیو شیئر کرکے مداحوں کے دل جیت لیے۔ انہوں نے انسٹاگرام پر ویڈیو پوسٹ کی جس میں وہ ’رام لیلا‘ کے گانے ’لال عشق‘ پر سٹائلش انداز میں پوز دے رہی تھیں۔
ماہرہ نے اپنی ساڑھی کے ساتھ موتیوں کی بالیاں، سبز چوڑیاں، گجرے اور ایک خوبصورت پوٹلی بیگ کے ساتھ اپنا لک مکمل کیا۔ ان کا کہنا تھا کہ انہوں نے یہ ساڑھی دو راتوں کے ایونٹس کے لیے پہنی، جس پر دوستوں نے مذاق میں اسے ’’حوصلہ‘‘ کہا، اور ماہرہ نے جواب دیا، ’’کسے پرواہ ہے؟‘‘
ماہرہ خان، جو اپنے مشہور ڈراموں ہمسفر اور شہر ذات کے لیے جانی جاتی ہیں، نہ صرف اداکاری بلکہ فیشن کے میدان میں بھی اپنی دلکشی کا جادو جگا رہی ہیں۔